الحب شعور جميل و إحساس رائع وأنا بأعتبره من أفضل نعم ربنا علينا .
حد معترض؟
أكيد لأ.
عادى جدا إن في حاجات معينة بتتحب يعنى عادى مثلا إني أقول لك إني بحب فلان أو بحب الأكلة الفلانية أو المكان الفلاني كل ده عادى ومقبول وجيد وجيد جدا وامتياز كمان الغريب بقى انك تحب حاجة مش ممكن تتحب مثلا أنا وأنا في ثانوي كنت بحب الأكسجين مش عارف بحبه ازاى بس كنت زى ما تقول كده بحترمه وبتعامل معاه كأنه واحد صاحبي وإذا غلطت في سؤال ولا حاجة أزعل منه وهكذا حتى لما دخلت الكلية مش عارف ليه حبيت الأورطى طبعا مش هو بس لكن هو رقم واحد .
أحيانا بحس إني عبيط مجنون بس برضه بحبه.
لحد دلوقتى مش لاقى تفسير للموضوع ده فلو حد عنده تفسير يا ريت يفهمني ويعرفني هو أنا بس اللي كده ولا دى حالة عادية .
على العموم أنا دلوقتى متأكد إن مراية الحب مش عامية بس لأ دي عاميه و طرشه وخرسه وعندها تخلف عقلي كمان صح ولا أنا غلطان؟؟؟؟
هناك 3 تعليقات:
ياراااااااااااااجل
وانا بقول برده هو يقصد ايه باورطي دي
مش ممكن يكون قصدك ع الشريان بس طلع كده فعلا
عموما هو اوقات فعلا الواحد بيحب حاجات ومش بيلاقي مبرر لكده
بس هو الاورطي بالانجلش يعني كده فعلا
عموما ربنا يحببك يا سيدي في كل حاجه
بس تبقي حاجات ليها لازمة بس
ههههههههههههه
بهزر طبعا
تحياتي
هههههههههه
والله هو فيه حاجات بتتحب كده
وده شيئ طبيعي
مش لازم سبب لكل حاجة
والله يحبب فينا خلقه
سلام
إحم إحم..السلام عليكم اولا
وثانيا جديد كلامك ده اصدى يعنى ان تقوله بصوت عالى يعنى الواحد عادى انه يحب حاجات غريبه ممكن مش اى بيحبها بس مش لازم يقول لكل الناس انه بيحب كذا وكذا بس على كل حال طالما انت قولت مش تخاف ديه حاله عاديه جدا واحب اقولك انا شخصيا بحب مصر وشعبها مش عارفه ليه رغم انتشار بعض الحوادث وانتشار الإضطرابات فى كل مكان بس لسه بحبها بشكل غريب ومش اعتقد انى ممكن احب بلد تانى اكتر منها...ده على سبيل المثال عشان اطمنك على نفسك
وربنا يحببك فى خلقه ويحببهم فيك..قول آميييين
وسلامى..منةالله
إرسال تعليق